[522] อตฺถิ ตตฺถ มูลคนฺโธติอาทีนิ ปน ปุฏฺโฐ อตฺถิภาวํ สาเธตุํ อสกฺโกนฺโต ปฏิกฺขิปติฯ นนุ อตฺถิ ตตฺถ ฆานนิมิตฺตนฺติอาทิ สณฺฐานมตฺตสฺเสว สาธกํ, น อายตนสฺส, ตสฺมา อุทาหฏมฺปิ อนุทาหฏสทิสเมวาติฯ

รูปธาตุยา อายตนกถาวณฺณนาฯ

8. อรูเป รูปกถาวณฺณนา

[524-526] อิทานิ อรูเป รูปกถา นาม โหติฯ ตตฺถ เยสํ ‘‘วิญฺญาณปจฺจยา นามรูป’’นฺติ วจนโต อารุปฺปภเวปิ โอฬาริกรูปา นิสฺสฏํ สุขุมรูปํ อตฺถีติ ลทฺธิ, เสยฺยถาปิ อนฺธกานํ; เต สนฺธาย อตฺถิ รูปนฺติ ปุจฺฉา สกวาทิสฺส, ปฏิญฺญา อิตรสฺสฯ เสสเมตฺถ อุตฺตานตฺถเมวาติฯ

อรูเป รูปกถาวณฺณนาฯ